நீதியரசர்களின் எதிர்ப்பு!

ஒரே நாடு ஒரே தேர்தல்' என்ற முறையை முன்னாள் நீதியரசர்கள் தொடர்ந்து எதிர்த்து வருகின்றனர். இந்த எதிர்ப்பானது நாளுக்குநாள் அதிகம் ஆகி வருகிறது.

பா.ஜ.க. எம்.பி.யான பி. பி. சவுத்ரி தலைமையிலான நாடாளுமன்ற கூட்டுக் குழு அமைக்கப்பட்டுள்ளது. டிசம்பர் 17, 2024 அன்று மக்களவையில் அறிமுகப்படுத்தப்பட்ட அரசியலமைப்பு (129 ஆவது திருத்தம்) மசோதாவை மதிப்பாய்வு செய்து வருகிறது.

இந்த மசோதா மக்களவைக்கும் அனைத்து மாநில சட்டமன்றங்களுக்கும் ஒரே நேரத்தில் தேர்தல் நடத்த தேர்தல் ஆணையத்திற்கு அதிகாரம் அளிக்க முயல்கிறது. இதற்கு முன்னாள் நீதியரசர்கள் தொடர்ந்து எதிர்ப்பு தெரிவித்து வருகின்றனர்.

“ஒரே நாடு ஒரே தேர்தல் திட்டம் கூட்டாட்சிக்கு எதிரானது, அரசியல் சாசனத்தின் அடிப்படைக்கு எதிரானது” என்று - - ஓய்வுபெற்ற நீதியரசர் ஏ.பி.ஷா. நேற்றைய தினம் கூறி உள்ளார்.

'ஒரே நாடு ஒரே தேர்தல்' தொடர்பான நாடாளுமன்றக் குழுவில் தனது எதிர்ப்பை பதிவு செய்துள்ளார் டெல்லி உயர்நீதிமன்ற முன்னாள் தலைமை நீதிபதி ஏ.பி.ஷா. "ஒரே நாடு ஒரே தேர்தல் மசோதாக்கள் சட்டங்களில் சிக்கல்களைக் கொண்டதாக உள்ளன. மாநில சட்டப்பேரவைகளின் தேர்தலை எப்போது நடத்த வேண்டும் என்ற அதிகாரம் உள்ளது தேர்தல் ஆணையத்திற்கு வழங்குவது சரியானதல்ல.

ஒரே நாடு ஒரே தேர்தல் மூலம் செலவு குறையும் என்ற வாதமும் சரியானது அல்ல” என்று அவர் கூறினார் குறிப்பிட்டுள்ளார்.

ஏற்கனவே, உச்சநீதிமன்ற நீதிபதிகள் யு.யு. லலித், ரஞ்சன் கோகோய் ஆகியோர் ஒரே நாடு, ஒரே தேர்தல் மசோதாக்களுக்கு எதிராக கருத்தினை பதிவு செய்தல்.

முன்னாள் இந்திய தலைமை நீதிபதியும் மாநிலங்களவை உறுப்பினருமான ரஞ்சன் கோகோய், 'ஒரே நாடு ஒரே தேர்தல்' மசோதாவில் உள்ள ஓட்டைகள் சுட்டிக்காட்டி இருக்கிறார்.

'தேர்தல் ஆணையத்திற்கு (EC) அட்டவணையை முடிவு செய்து கட்டுப்பாடற்ற அதிகாரங்களை வழங்குவது நல்லதல்ல' என்றும் அவர் எச்சரித்து உள்ளார். "ஒரு மாநில சட்டமன்றத்தின் பதவிக் காலத்தை நீட்டிக்க அல்லது குறைக்க தேர்தல் ஆணையத்திற்கு கட்டுப்படுத்தப்படாத அதிகாரங்களை வழங்க முடியாது" என்று அவர் கூறினார்.

உச்சநீதிமன்ற முன்னாள் நீதியரசர் யு.யு.லலித், “ஒரே நேரத்தில் தேர்தலை நடத்துவது, செயல்படுத்துவது கடுமையான சட்ட சவால்களை எதிர்கொள்ளும். அரசியலமைப்பின் அடிப்படை அம்சங்கள் திருத்தங்கள் மூலம் மாற்ற முடியாது. கேசவானந்த பாரதி தீர்ப்பில் குறிப்பிடப்பட்டுள்ளபடி, மாநில சட்டமன்றங்களின் பதவிக் காலத்தைக் குறைப்பது அரசியலமைப்பின் அடிப்படை கட்டமைப்பை மீறும். ஒரு மாநில சட்டமன்றத்தின் பதவிக்காலத்தில் 30--40 சதவீ- தம் இன்று நிறைவடையவில்லை என்றால், அதன் பதவிக் காலத்தைக் குறைப்பது அரசியலமைப்பிற்கு விரோதமானது.

அரசியலமைப்பின் கீழ் உத்தரவாதம் அளிக்கப்பட்டுள்ளபடி, மாநில சட்டமன்றங்களின் சுயாதீன அந்தஸ்தையும் அதன் ஐந்து ஆண்டுகாலத்தையும் பாதுகாக்கும் பல சட்ட முன்மாதிரிகள் உள்ளன.

'ஒரே நாடு ஒரே தேர்தல்' மசோதா அவசரமாக செயல்படுத்தப்பட்டால், மசோதாவை ரத்து செய்யலாம், இது சட்ட நிச்சயமற்ற தன்மை மற்றும் அரசியல் உறுதியற்ற தன்மைக்கு வழிவகுக்கும்” என்று யு.யு.லலித் கூறி இருக்கிறார்.

நீதியரசர்களுக்கு முன்பாகவே முன்னாள் தலைமை தேர்தல் ஆணையர் எஸ்.ஒய்.குரேஷி தனது எதிர்ப்பை பதிவு செய்தார். “ஒரே நாடு - ஒரே தேர்தல் என்று இப்போது சொல்பவர்கள் 'ஒரே நாடு - ஒரே கட்சி ஏன் கூடாது?' என்று நாளை கேட்கலாம். பிறகு, 'ஒரே நாடு - ஒரே தலைவர் ஏன் கூடாது?' என்றும் சொல்லலாம். அவ்வாறு கிளம்பினால் அதற்கு முடிவே இல்லை. பா.ஜ.க. வின் தேசியவாதம் எங்கே போய் முடியும்?

ஒரே நேரத்தில் தேர்தல் நடத்துவதால்தான் அதிக செலவு ஆகும்.

தேர்தலுக்கான மிஷின்களும், கருவிகளும், ஆட்களும், பாதுகாப்பும் ஒரே நேரத்தில் தேவைப்படுவதால் செலவு அதிகமாகத் தான் ஆகும்” என்று கருத்துச் சொல்லி இருந்தார்.

இந்தியாவின் ஜனநாயக குரல்வளையை நெரிக்கும் இந்த சட்டத்தை முதலில் எதிர்த்து போராடி வருகிறார் முதலமைச்சர் மு.க. ஸ்டாலின் அவர்கள் தலைமையிலான தி.மு.க.

இந்தச் சட்டம் குறித்து "கூட்டாட்சிக்கு எதிரான, நடைமுறைக்கு மாறான ஒரே நாடு ஒரே தேர்தலை இந்தியா கூட்டணி எதிர்க்கும்.

ஏனெனில், அந்த நாட்டின் கூட்டணி எதிர்க்கும். ஒற்றை ஆட்சி வடிவத்தை அபாயத்தில் தள்ளும். பன்முகத்தன்மை மற்றும் ஜனநாயகத்தின் செயல்பாட்டை கொன்றுவிடும். குடியரசுத் தலைவர் தேர்தலை நடத்தும் வகையில் உள்நோக்கத்துடன் பா.ஜ.க. அரசு செயல்படுகிறது.

இது நமது அரசியலமைப்புச் சட்டத்துக்கு எதிரானது.” என முதலமைச்சர் மு.க. ஸ்டாலின் அவர்கள் தொடர்ந்து கண்டனம் தெரிவித்து வருகின்றனர்.

ஒரே நாடு ஒரே தேர்தல் - நாடாளுமன்றத் தொகுதி வரையறை நாடாளுமன்ற உறுப்பினர்களின் எண்ணிக்கை அதிகரிப்பு - தேர்தல் - ஆணையர்களின் நியமனங்கள் - தேர்தல் ஆணையர் தேர்வு சட்டத்தில் மாற்றம் என பா.ஜ.க. தலைமை செய்வது அனைத்தும் மர்மமாகவே உள்ளது.

இது ஏதோ அரசியல் ரீதியான விமர்சனம் அல்ல.

உண்மையான விமர்சனங்கள் தான் முன்னாள் நீதியரசர்களும் உறுதி செய்கிறார்கள்..

சீரமைப்பு.

சென்னையில் தொகுதி மறுவரையறைக்கு எதிரான ஒரு முக்கிய கூட்டம் நடைபெற்றது. இது திமுக தலைமையில் நடத்தப்பட்டது என்றும், தென்னிந்திய மாநிலங்களைச் சேர்ந்த தலைவர்கள் இதில் பங்கேற்று "நியாயமான தொகுதி வரையறை"க்கு ஆதரவு தெரிவித்தனர் என்றும் தகவல்கள் தெரிவிக்கின்றன.

இந்தக் கூட்டத்தில் கர்நாடகா துணை முதலமைச்சர் டி.கே. சிவகுமார் உள்ளிட்ட முக்கிய தலைவர்கள் கலந்துகொண்டனர்.

தொகுதி மறுவரையறை என்பது மக்கள்தொகை அடிப்படையில் தொகுதிகளை மாற்றியமைப்பது தொடர்பானது. இதற்கு எதிர்ப்பு தெரிவித்து, மாநில உரிமைகளையும் தொகுதிகளின் தற்போதைய அமைப்பையும் பாதுகாக்க வேண்டும் என்று வலியுறுத்தப்பட்டது.

இந்தியாவின் கூட்டாட்சி தன்மையை பேண, மாநிலங்களின் சுயாட்சி முக்கியம் என்ற கருத்தும் முன்வைக்கப்பட்டது.மேலும், இந்தக் கூட்டத்திற்கு பாஜக எதிர்ப்பு தெரிவித்து ஆர்ப்பாட்டம் நடத்தியதாகவும் தகவல்கள் உள்ளன.

இது இந்திய அரசியலில் ஒரு குறிப்பிடத்தக்க நிகழ்வாக பார்க்கப்படுகிறது, ஏனெனில் பல்வேறு மாநிலங்களைச் சேர்ந்த தலைவர்கள் ஒருங்கிணைந்து தங்கள் குரலை எழுப்பியுள்ளனர்.

திமுக சென்னையில் நடந்த தொகுதி மறுவரையறை எதிர்ப்பு கூட்டத்தில் முக்கிய பங்கு வகித்தது.

இந்தக் கூட்டத்தை திமுக தலைமையில் ஏற்பாடு செய்தது, மேலும் தமிழ்நாடு முதலமைச்சர் மு.க. ஸ்டாலின் இதற்கு முன்னிலை வகித்தார். இதில் திமுகவின் பங்கு பின்வருமாறு அமைகிறது:

தொகுதி மறுவரையறைக்கு எதிரான எதிர்ப்பை ஒருங்கிணைக்கும் பொறுப்பை திமுக ஏற்றது. ஏழு மாநிலங்களைச் சேர்ந்த தலைவர்களை (கேரளா, தெலங்கானா, பஞ்சாப், கர்நாடகா, ஒடிசா, ஆந்திரப் பிரதேசம், மேற்கு வங்கம்) அழைத்து, "நியாயமான தொகுதி வரையறை"க்கு ஆதரவாக ஒரு கூட்டு நிலைப்பாட்டை உருவாக்கியது.

திமுக, இந்தியாவின் கூட்டாட்சி தன்மையை பாதுகாக்க வேண்டும் என்று வலியுறுத்தியது. மக்கள்தொகை அடிப்படையில் தொகுதிகள் மறுவரையறை செய்யப்பட்டால், தென் மாநிலங்களின் பிரதிநிதித்துவம் குறையும் என்று எச்சரித்து, இதை "கூட்டாட்சிக்கு எதிரான தாக்குதல்" என விமர்சித்தது.

மு.க. ஸ்டாலின் தலைமையில், திமுக இந்தப் பிரச்சினையை பாராளுமன்றத்தில் எழுப்புவதற்கும், பிற எதிர்க்கட்சிகளுடன் (குறிப்பாக இந்தியா கூட்டணி) ஒருங்கிணைந்து செயல்படுவதற்கும் திட்டமிட்டது.

இதற்காக, மாநில அமைச்சர்களை பிற மாநிலங்களுக்கு அனுப்பி ஆதரவு திரட்டியது.

திமுக, தமிழ்நாட்டில் மார்ச் 5 அன்று நடத்திய அனைத்துக் கட்சி கூட்டத்தில், பாஜக தவிர மற்ற 58 கட்சிகளின் ஆதரவைப் பெற்று, இதை ஒரு மாநில உரிமைப் பிரச்சினையாக முன்னிறுத்தியது.

இதைத் தொடர்ந்து, சென்னை கூட்டத்தை ஒரு "புரட்சிகரமான தொடக்கமாக" அறிவித்தது.

திமுக, தொகுதி மறுவரையறையை 25 ஆண்டுகளுக்கு நிறுத்தி வைக்க வேண்டும் என்று கோரியது. மக்கள்தொகைக் கட்டுப்பாட்டில் வெற்றி பெற்ற மாநிலங்கள் தண்டிக்கப்படக் கூடாது என்றும், 1971 ஆம் ஆண்டு மக்கள்தொகை அடிப்படையில் தொகுதிகள் தொடர வேண்டும் என்றும் வாதிட்டது.

திமுகவின் இந்தப் பங்கு, தமிழ்நாட்டின் அரசியல் நலன்களைப் பாதுகாப்பது மட்டுமல்லாமல், தென்னிந்திய மாநிலங்களின் குரலை ஒருங்கிணைத்து, மத்திய அரசுக்கு எதிராக ஒரு வலுவான எதிர்ப்பை உருவாக்குவதையும் நோக்கமாகக் கொண்டது.

இது திமுகவின் அரசியல் செல்வாக்கை வலுப்படுத்துவதோடு, பாஜகவுக்கு எதிரான ஒரு தேசிய அளவிலான எதிர்க்கட்சி இயக்கத்தை தூண்டுவதாகவும் அமைந்தது.